Marinade: Tørk kjøtet godt. Skjer lommar i kjøtet (som om du ville dele kjøtet i skiver, men ikkje skjer heilt gjennom, stopp halvvegs). Bland godt honning, kvitløk i bitar, purre i bitar, olje og moste tyttebær. Smør kjøtstykket med marinaden. Hugs å smørje godt ned i lommane. Legg folie over eller ha i ei bolle med lok på og legg i kjøleskapet i to døgn. Set omnen på 200 C. Legg kjøttstykket i eldfast form. Ha over all marinaden. Del epla i 8 bitar og legg opp i forma. Dekk med alufolie. Steik kjøtet på 200 C i ein time. Ta av folien og steik 30 minutt til. Potetmos: Skrell potetene og del i bitar. Ha vatn over til potetene blir dekt. Kok potetene møre. Sil av vatnet. Mos potetene. Vend inn smør og smak til med salt. Kantarellsaus: Skjer ein løk i små bitar. Varm litt olje i steikjepanna og fres løken godt. Tilsett dei tørka kantarellane og hell 1 dl vatn over. Steik i 5 minutt. Ha i dei frosne kantarellane og steik 5 minutt til. Bland fløyte med potetmjøl godt til du får ein klumpfri væske. Hell fløyte over i steikepanna og rør til sausen tjuknar. Skjer steiken i skiver og server med potetmos og kantarellsaus. Pynt med bladpersille.